تسمحلي احبك..؟؟

تسمحلي احبك واخذ عيونك
واشوفن بيك وانت اشوف بعيوني

وتسمحلي انسخك وامسح التصوير
وحطك وسط عيني واقفل جفوني

وتسمحلي اشمك واشهكَ انه وياك
خاطر لايشمك بعدي اي دوني

تسمحلي افك كَلبك وانامن بيه
خاطر من تجي العذال يلكَوني

واذا تسمح ابوسك واشتعل نيران
حتى أنعل والديهم لو يطفوني

تسمحلي اشبكَك شبكَت المشتاق
واموت من اللطم ويطيحن متوني


تسمحلي ابوكَن صورتك بسكوت
واحظنها وانوح الليل خلوني

تسمحلي ابوكَن شفتك تذكار
واصعد مشنقه وخلهم يعدموني

وتسمحلي افجرك وانتحر وياك
ونطشر وفنهم لو يلموني

تسمحلي احطك وسط تابوت
وتمدد وياك وفنهم يطلعوني

وتسمحلي وتسمحلي وتسمحلي
والتسمح طويله وتاهت ظنوني