وحك نجمات عيني الطشرته بليل..

وحــــك نجمات عيني الطـــــشرتها بليل
وحك كل حرف عاش بصــــــفنتي العذبة

وحــــك ذيج الترافة الخلـــــــــصتها عليك
وحــــك كل بيت دافن بيــــــــه الك ضربة

وحــــك خيط امنياتي البــــــــيك معكودات
وحــــــك جنة أحلامي البـــــــقت ملتهبة

بعـــــد ما أحن إلك مــــــــثل الحنان الفات
وطـــــــيفك من يمــــــــر بعيوني ما أكلبه

أنــــــه بعازة وطن يجــــــمعني من منفاي
مارايد وطن بيه أشــــــــــعــــــــر بغــــــربة


صــــح بيك أذنبت والشـــــــوك غالب جان
لجن للذنب ربي مشـــــــــرع التـــــــــوبة

بـس والخله صوتك بذن غـــــــــيري يصير
ابــــــن آدم حيــــل يكـــــــــبر لو زغر ذنبة

يــبو كلب الأبد ماضــــاك طــــــعم الشوك
عــــــرفت اللــــــي يحـــــبك تكـــــره تحبة

ويـــــل إبالي إزرعت حسبات ملــــغومات
كــــــــــــامت بيك حسبة تفــــجر بحسبة

كتـــــــــلك من جنت تحلم بفيـــي تعيش
الحـــــــــــب مايعيش بكلـــــب ســد كلبة

ومــن حسيت كلبك بيه طـــــمع ويـــــاي
ضــــــربتلك مثل واحد محــــد يضـــــــــربة

عـــــــــاين عالشمس لمن تــــــريد تغيب
بعــــــــــيون البلابل تــــــزرع الــــــــــرهبة

ماتلكـــة ثمر بــــــس بيهاركّـــــــــــز زين
إشلــــــــون وي العصر تزدحم عالـــغربة؟؟

وكتلك عالتواضع مــــــــــــــــــيزة العشاك
من شفت الـــــــــــــــــــــغرور بكلبك تربة

وانطيتك مــــــــــــــــــثل بس تيهت معناه
لان جانت الــــــــــــــوردة بنظرتك لــــعبة

الفراش ابيض لبس واعليها ظل يــــطوف
لان بعيونه جـــــــــــــــانت تنحسب كعبة

ورغم كل الجــــــــمال البيها تحني الهام
وتركع مثـــــــــــــــــل عابد لبه أمـــــر ربه

مـــــيلاد الجـــرح بيدك مقيد جــــــــــــان
وما أشـــــــــــوفن إبإيدك تكـــــدر تطـيبة

لابـــــــس ثوب واحد جبت عــمري وياك
وإنت ويـــــــــاه جنت تمشي بجلد حربة

أنطيتك كلب تحــــــلم الـــــــــــــوادم بيه
كتـــــــــلك صونــــه إلي ماكتــــلك تخربة

أووضحت الخلـــــــــود وسولفـــتلك بـــيه
وكتـــــــــلك لاتصدك فكــــــــرة العــــشبة

المايوفي بعشـــــــرته ينسي من يموت
اليـــــــحب كلبه بصــــــدق يتــخلد بحبه

تعاليلي

تعاليلي ابتسامه بگد كبر فرگاج
جرحي انا يطيب بصوت ضحكاتج

عله دجله صفنتي ووگف مجرى الماي
وحياتي اتوقفت گدام صفناتج

منو گال انتي صوتج ناي من تحجين
 صوت الناي يطلع وي حسراتج

وهلگد مارقيقه وشايله انتي احساس
فراشات تطلع وي نظراتج

مامجروح منج بس جرح فرگاج
وأشكبره الجرح؟ يمكن كبر ذاتج

واطعنيني اعله كيفج الف طعنة موت 

بس ماريد عيني تشوف دمعاتج

واطعيني وي گـلبي الف طعنة موت 

نخلص الليل كله نبوس طعناتج

خل أصحه اعله شوفج ترسي عيني احلام 

ربيني طفل وابخيمة احساسج

شايل شوگـ ألج ماادري أوصفه إبيش

 اكض روحي واگولن هاي لمساتج

غصن روحي يفز لمن يمر طاريج فوگه شجم جرح وبذكرج يطيرن

بس يندار وجهج الف جرح يصير ومدري شكد اذا ماشوفج يصيرن

من تعطش ارض ترتوي برشگة ماي

 وعطشت روحي الج ياماي يرويها

وعطشت عيني ألج بس ترتوي بملگاج

 ولو بس صوره منج عاد ألهيها

وره صوتج بعد ماسمعت اذني الصوت

 واحس الدنيا خرسه وصوت مابيها

جنت ماأنسى كل لحظه التمر وتروح 

هسه الدنيا بعدج كلها ناسيها

مامحني گبل رغم العليه اثگال

 بس بعدج غصب عالروح حانيها

اذا تيهت دمعتي البجي ادروبه منين

 انه اخذ دمعتي وبيدي ادليها

توگع ورده تحزن شجرة البستان 

واحسج مني ضعتي شلون اعديها

فهميني النهايه فرح لو تابوت 

ياهو الجان سهله المهم تاليها

دفــــو حـضــنـك

گـصر شوگـك عليه وطال صبري أعليك وعله امثالك بعد ماترهم أمثالي

جنت مالي گـبل من جنت تنزف شوگـ بس هسه انتهيت وصرت مو،،،مالي

لاتنغر بطولك ولو طولك بان وعله صدرك عنب عشرينك أيلالي

السعف هم عالي لكن مايشيل احساس وعله احساب الجذر صار السعف عالي

شتلتك بيدي لهفه وخضريت أفراك ويم بيبان عينك دمعة أسلالي

ألمن جايني وياجرح جبته وياك حافظهن عليمن جاي تقرالي

جرف شالك ضميري وماشربتك ماي وآنه أنزف عطش والصبر يبرالي

لتغرني بدمعتك ذاك گلبي أنساه مايشتاگلك صار الگلب خالي

أشد عيني أبرمح لو مره حنت ليك واعميهه اذا طيفك تعنالي

ندم خضرن أجروحي وماگلتلك شوف ولاگـدام عينك رخصت حالي

شتلهن وادري ذنبي وأنه مامعذور عله أخيال الشمس جنت اشتل آمالي

بعد مايهز شوگـك شعره من الروح ولايم بحر عينك تلتف أحبالي

ولا أحن لمناير صدرك المجنون ولا عنك بعد ينسمع موالي

عرفت أبرخص شعرك والسواد البيه وعرفت أبذهب صدرك جان مو غالي

وعرفت أبدفو حضنك حرگـ غيري أهواي وعرفت بليلمن ظل شمعك يلالي

وعرفت ألمن بعتني وياجفن غراك وعرفت بيا نده بدلت شلالي

كبر جرحك أبروحي بيا عذر ينراف ترس جسمي ونزل ظل ياكل أخيالي

الشمس غرتني بيك وجنت أشوفك ماي ويهزني الهوه والدرب يحلالي

ورخصك باع عمري وماگـدرت انساه وشلته من الگـلب بس زنجر أبالي

ولك جتالي انته وهسه جاي أتريد أغسل دم رگـبتي أبسيف جتالي

جنسيتي محبتكـ

مجنون أبمحبتك يا اعز إنسان
يا أجمل قصيدة و أحلى معزوفة

يا مالك خيالي و فكري يا معسول
اكتب بس إلك كل شعري و حروفه

قافيتي شفافك و الوزن رمشين
و عيونك بحور الشعر موصوفة

صوتك عدّة بالغبشة نغم فيروز
و ام كلثوم من قاموسي محذوفة

ألف ليلة عسل عشناها آني وياك
و الليلة إلّي ضلت اضن معروفة

نگضيهه حضن و نطابگ الشفتين
و نغني و نسولف أحلى سالوفة

يا كلشي بحياتي و يا فرح دنياي
يا من شلت من گليبي كل خوفه

ما أضنك تبيع و لا أبيعك يوم
اكو واحد يبيع گليبه و يعوفه

و خطية الگمر يبچي و يون تالي الليل
حدر الغيم يختل صابته الخوفة

و گمر ليل المحبّة بشوفتك مقهور
إذا حتى الگمر بالليل بچيته

و گلوب الشباب تفرفح امن تفوت
و الشايب بعطرك اضن شليته

و نسوان ألتشوفك منك يغارون
و ألبعده مراهق نظرة أمنيته

و الطفل إلّي يرضع بعده بالكاروك
ضل يمشي وراك و يحچي خليته

و إذا شرطي طلب مني هويتي بيوم
أبرز صورتك تشتعل بيبيته

يفتحلي الطريق بصورتك مبهور
إجلالاً يدنگ و يذب بيريته

جنسيتي محبتك تدري كلش زين
شنو قيمة ليضيّع يوم جنسيته

حبك غيراني و صرت أموت عليك
شتلت گليبك بنص گلبي و سگيته

و الدم إلّي يسري بجسمي ما أحس بيه
دمك يسري بالشريان حسيته

انت العلمتني العشگ و الإحساس
فضلك عالگلب لن يدگ خليته

علّمته البراءة و طفل صار وياك
يمشي و ما يريد ايرد على بيته

فرحان و اجالك تدري يوم العيد
رايد بوسه منك هايه عيديته

يا أجمل بشر خالقك رب الكون
يا أطيب گلب بالصدفة لاگيته

يا أوفى البشر يا حلمي يا دنياي
يا أول شخص من گلبي حبيته

دوّرت شكثر ما شفت مثل شفاك
علاج و كل مرض من بستك نسيته

شلت كل المواجع من گلب تعبان
بيدك جرح الي ابدلالي داويته

يا اسمي الثلاثي و گمر تالي الليل
رسمك بالگلب و بدمي خطّيته

يا قوس و قزح يا مثل للعشاگ
يعشگ گلبي حد الشيب وصيته

فرض سادس أشوفك صار تالي الليل
نسيت الخمسة و السادس أنا أديته

صدّگني احبك حد گطع لأنفاس
لأنك انت حلمي إلّي تمنيته

تمنيتك گبل ما أشوفك امن سنين
حبك بالگلب من زغري ربيته

ما أضيعك من ايدي و لا أفرّط بيك
إلا بحالة گلبي يعوف جنسيته

إذا يلفي عليّة بليلة ملك الموت
اعذر گلبي لمن توصل منيته

فدوه لله

فدوه لله الرتبه يم طولج تلوك
شبيهه لو توكف خفر يم بابي
والله لو بس عدنه منج عشره جان
مايضل بالبلد نص ارهابي





 

تذكر كتلي انجح والتريدة يصير
نجحت اني واريدن شوفتك هسه..!!

 

ياربي موعندك ملك ياخذ الروح. 
شلون ترضى انسان ياخذ روحي..!!

 


اسولف بس دمع للجاي خطار
وخطاري الحزن بيمن اسولف..؟؟



انته من تمشي الورد يصفن عليك 
وحتى من شافك طلع من طوره
واني بعيوني شفت منظر عجيب 
ورده حــمره ويــاك تاخــذ صـوره




جنت اعتب على اليشرب نراكيل ....
هسه بغيبتك اشرب بلنكوو؟؟؟


 

بشرني اعله جرحي شلونه وياك..؟؟

مثل راتب تقاعد صاير وياي ..!!
كل شهرين اشوفك مره وحده ..!

بعت سنين عمري بيوم طكني العـــــــــوز !!
بس ثق بمحمد ما بعت ربعـــــــــــــــــي....!!

ما اريد بقصر حته اسكن وياك
اريد وياك اعيش ابطل راني
ونصير ثنينه مثل الحبيبات
ونكتب ع البطل رج القناني

يوميه البس جرح صدكني ماملبوس
حتى الناس كالو هذه كشاخ..

لا اتراوغ بحبك مو دخت بيك
دخيلك لا تصير اكبالي ميسي

كفرت كفره بغيابك هزت الكون
بحيث بليس صاح استغفر الله

أحبك حيل احبك حيل احبك موت
ماترهم اعوفك وانفرد وحدي
منو بكدي يحبك دور اتحداك
أمك لا جذب متحبك بكدي

انه الرايد مشابك شلي بالحاجوز
عركتي وياك كلها لخاطر الشبكه

 

شنو يعني وذا بجيتني اشبيك جا ربك عليمن سوه الدموع..؟؟

شلت كلبي ابمكانة احجاره خليت اشو كامت تحبك حتى الحجارة..!!

خرسه النار لكن تحجي لسعات
تسولفلي سوالف تحرك الروح

نحبك بس غلطنه وما أجيناك
أغلط انته مره ومـر علـينــه
موشرط التحبه اتروحله الناس
نحب العيد بس هوه اليجينه

حكني جفي كالو تسالم حبيب
ارد اسالك عالتحكه شفايفه ؟

صبح نافوره جرحي بيوم الفراك
اجو شماتي طكو يمه صوره؟؟؟

كل ساعه الشماته تصيح ما جاك
صرت نجــــــــــار من كد البسامير..!!

صحت علجرح هاااا ياجرحي خانوك..؟؟؟

دنك راسة جرحي وكال ميخالف

بشرني أعله جرحي شلونه وياك
خـــــوما كاعد يضوج سجاجينك..؟؟

اذا زعلك (يزيد) يريد ذل الناس !!
بني هاشم جروحي وترفض الذله..

مو شرط الحرامي يصير مكروه

أُم تخاطب أبنها في قبره

قتل الشاب بسبب حبيبته!

ميت ادري بس شو واهسك مكسور..
انه امك ملامح گبرك اقراها..ّ!!

چنك تدري ولفك لاحه چف الغير
وصعدت نار گبرك والله طفاها..

شني مالهتك يايمه وحشة موت
انته ابمگبره وهم روحك وياها..؟؟

انته اول عشگ بين المكابر عاش
يمه ابيش احلفك حتى تنساها..؟؟

وين اتخلي حزنك والگبر شبرين
مكانك مختنك مو مال تهواها..!!



الشماتة بغيبتك لمن افوت...
.كلهه توكف ياهله يغنولي
عاشت ايدك عالجرح تفصاله زين.
من افوت شطالع يصيحولي.؟؟


جفن عيني يعطب لمن تروح
بحيث ادموعي تنزل بيهن صخام..!!



تدري انة بغيابك بعت العيون...
فلاح اشتراهن يسكي بيهن..!!


صار الحزن ديني والفرح كفران
أذا اضحك أكول استغفر الله..!!



مو شرط الحرامي يصير مكروه ....؟؟
اموتن عالحرامي الباك كلبي ...!!


انه جروحي شباب وبيها متونسين
خاف اطردلي واحد تخرب الكعده..!!



دموعي الغاليه تسوى ملايين..
صفت حاجه بربـــــع من فاركتني..!!



طحـــت واسم الله صاحـــن بيه الجـــــروح

بســـــلامة اتكـــــوم يالجــــــامع شملنــه..!!

لستِ فاتنتي..

لا لست فاتنتي لا لست ملهمتي..

فأنا مزاجي في النساء معقدٌ..

بطبيعتي لا تفرحي وتهللي..

وتفكري وتحللي..

صدري أنا أنفاسه ملك فقط لحبيبتي..

أنا عاشق حد البكاء..

وحبيبتي يوماً ستأتي..

كي تبادلني الوفـــاء..

أنفاسها إحساسها بركان نار..

لا .. لا تدخلي مدني..

لا .. لا .. تسرقي زمني..

صدري أنا أنفاسه ملك فقط لحبيبتي..

صعبٌ .. صعبٌ .. أبادلك الهوى..

وأنا لغيركِ بالمشاعر أنتمي..

صعبٌ .. صعبٌ .. أعيش بعالمٍ..

بعد السماء عن عالمي..

أنا قد نذرت مشاعري وعواطفي لحبيبتي..

لا .. لا تدخلي مدني..

لا .. لا .. تسرقي زمني..

صدري أنا أنفاسه ملك فقط لحبيبتي..

غير انساكـ غير اكدر

غير انساك غير أكـَدر



غير اكمـّل حياتي بغيرك اتصور




غير انزع محبتك واطوي كل ذكراك




وعن بابك اكظ الجدم واتصبر




غير امنع الطيف اليدكـَ باب العين




حته الزم اعيوني اعله الشخص لو مر




غير امسح الذكرى البيهه روحي اتذوب




حته اتكـَلي اريدك واكـَدر اتعذر




غير اعله اليشبهك ما احن واشتاكـَ




حته اني منشوفك عيب اتبسمر




غير انساك غير اكـَدر




غير اصحه الصبح ما احلم برؤياك




حته ايمر ضحه وما اكـَد اتنطر




غير انساك ليلة وعيني تغمض يوم




وسواليفك وطيفك يمي ما يسهر




غير عطرك عطرك عن ثنايا الروح




حته اقنع بغيرك وارضه واتعطر




غير انساك غير أكـَدر




متلبس بروحي شلون انزعك ليش





ياهو العاف روحه وعنهه يتنكر

حبيبتي انتي..

حبيبتي..حبيبتي..

انـا اعبدُ عينيكـ..

انا اعبر النجوم..

لقد نسيت المشي..

لكنِ تعلمت الرقص..!!

عندما لمستني..أصبحت رائحتي زكيه..

في مـطــركـ..غرقت..

وتفتحت ازاهيري..

 تفتحت كورده في مرج حبـكـ..

كـان الضبــاب في كــل مـكــان..

كنت ضـائعــاً من دونــكـ..

قلبي يخفق لكـ وحــدكـ..

اتنفـس من اجلـكـ فحسب..

لقد كنت ميت..!!

وعندما وجدتكـ..وجدت حياتي..

وجدت الحياة..

وجدت الحياة في حبكـ..

انت قريب مني جداً..

حتى انه يمكنني ان اعــد انفــاســكـ..

نحن تائهان في بعضنا..

عسى ان تدوم هذه اللحظــه للابد..

انــا صــوت قلبــكـ..

لن افترق عنكـ ولو لحظه..

كيف لي ان ابتعد عنكـ..؟؟

انـا اسكنكـ..حبيبي..

انا موجه في بحركـ ..

هـــنا انـا ارافقــكـ..انا معـكـ..

لقد عثرت على كــل سعادة العالم..في حبكـ..

حبيبتي..

امرأه

.

مَتى مآ كُنت رجُل؛ تكُن لك اِمرأه ..

مَتى مآ كُنت ذكَر؛ تكُن لك اُنثى ..

مَتى مآ كُنت ملِك؛ تكُن لك اَميره ..

مَتى مآ كُنت عاشِق؛ تكُن لك مُتيمه ..

فلا تكُن لاشيء وتُريدهآ أن تكون كل شيء

عندما تُنفخ فيك الروح: تكون في بطِن اِمرأه ..

عندمآ تبكِي: تكون في حُضن اِمرأه ..

عندمآ تعشق: تكون في قلْب اِمرأه ..

رفقاً بها: فالأنثى أمانه، ما خُلِقَتْ للإهانه

اكره كل جرح

اكره كل جرح بس جرحك اتحداه
اذا دك بابي مره وماتلكيته

وجبته بحياتي كتله صير انسان
اخذ مني الحياة وبقه بوحشيته

طبع كلبي الكرم بس للئيم انطيت
وكالولي شكثر وانه ادري حسيته

بس بعناد روحي مدري ويه الناس
بنص كلبي جرح كل عقلي ربيته

سئلو عن ندبته هواي عندي اصحاب
كلت لا كلشي ماكو وكلشي ضميته

لان جرحي الي بس انه الاتحداه
ومن كد مااحبه بكلبي حطيته

سلمتك امانه احساسي عود اسكيه
تره كتلة مشاعر الك سويته

مسحت ايدي راسك نومتك جم يوم
اغزلك حلم ماكو بعذوبيته

أمك مارعت مثلي بوكعتك ذيج
مو دكتور جرحك انه داويته

جم نذر بنذر ناحرلك من الروح
وجم عسر بعسر من زادي فكيته

ادري الخذك مني ما سأل ماضيك
مانصحته الوادم لايمس صيته

ماشاف الشوارع بيهه اثر خطوات
مايعرف حبيبه سنين ماشيته

حصتي ومو نصيبه الله لاينطيه
شمعه انته بحياتي شجابهه لبيته

حسبالك تهزني من تغازل بيه
حبيبك وبحظن دفاني دفيته

نفس سوالفي تسولفهن انته وياه
بنفس ذيج الاسامي كبالي ناديته

روحك صار غيري من شوكت متكول
جا دم الجمعنه لوين وديته

وشكلك ماتهزني وعود اكابر عود
وابلع ريك عيني المطر بجيته

اضحك بس جذب متهستر من الصار
شكو ابالك جرح ياجرح عانيته

شكو ابالك مراره بدمي تجري اليوم
مثل ماتجري هسه انته بعبوديته

تحبه وماتحبني شبالعجل حبيت
ماتحجيلي بالله شلون حبيته

اعرف بيك صخره كل عطف مابيك
بس بغضا بحبي ولف سميته

شغلة ماده لو مصلحه واطماع
هيج اكتسب عقدك مهر شرعيته

كبل موجنت ناعم ليش تحظن شوك
الورد بالصحرا يفقد كل جماليته

شجالك غيرت كل الخصال شبيك
الشخص يصبح عدم لو فقد شخصيته

صفت هيج الجزه تضحيتك انته تخون
وانه كلبي عليك انسان تضحيته

تحركني لان عشك بغصني حميت
وعلى جتافي ثمر طرواك غذيته

بعد مااشتعل من كثر ماوجيت
انه بطرك الرماد الانته خليته

الركاب اطفال يالسيفك مراجيح

الركاب اطفال يالسيفك مراجــــــــيح
دمرجحهه اعلة سيفك هاي الركاب

الشمس مو بس تردلك لا يبو حسين
اذا ردت الشمس تتحول تــــــــراب

علي مثل الحمامة وية المــــساكين
واسد ينشاف بس بعيــــون الذياب

تعرف ليش من عندك يغــــــــارون
يضل من الحمامة يغار الغــــــراب

علي ضد القفص من يحبس الطير
لان يسمع بنبرة صوتة الاعتاب

من كد ما يشيل بصوتة احساس
البلابل كلهة جانت عدة طــــــلاب

واذا رايد تصلي بوكــــــت الاذان
توكفلك الكوفة تصير محـــــــراب

بطلهم من شمع جانو يـــــــسوة
بريحة نار سيفك من ســــمع ذاب

حال الوكف كدامك مـــــــــــــثل حال 

غــــــزال وطاح لكمة بين الانياب

كلمن حط لقب بلجن يعــــــــــلية
الالله منزلة شتــــــــسويلة الالقاب

الخانو بالوصية وما رضو بيك
حرام من ارد اعدهم للنبي اصحاب

الفعل والفاعل انتة بضربة السيف
وغيرك ماله موقع من الإعراب

بصعبة بسهلة حاضر تلكة ابو حسين
وغيرة بسهله يحضر بالصعب غاب

و من صوتك التحجيـــــــــة يهابون
صدة صوتك يحيدر واللة ينهاب

اليتامة اطفال بس شيــــــبهم الجوع
صح اطفال بس تـــــــكول شياب

اليتامة المايمرهم يوم ابو حــــــسين

 يعني الضحكة عدهم سوت اضراب

هبل من حجر ما يعرف شني الخوف
شعر راس الصنم من هيبتك شاب

خيبر جان بابة يحــــــمي اليـــــهود 

وحيدر جر اذانة وبطل وتــــــاب

ما ضن جفك انمد يا علي عليـــــــة
اضن خزرة عيونك شلعت البـــاب

فتنة امكـ

فتنه امــــــــــــــك جابتك وانا ابتليت
وكَبل لا تنــــــــــــولد روحي عشكَتك

وتدري ليش بجــــــــــائزة نوبل افوز
لان انه المكتشــــــــــــــف سر فتنتك
...
وتدري ليش الشمس تنزف بالغروب
لان يذبحها القــــــــــــــهر من فركَتك

وتدري ليش الكَمـــــر يعلنها خسوف
لان فوكَ السطــــــــــــح لالت وجنتك

وتدري ليش الصيـف ياكـــل بالشتاء
خاطر زنودك تغـــــــــــــــادر سترتك

وتدري ليش الســــبت عطله بالعراق
لان بالجمعه الــــــــــدوام ابحضرتك

وتدري ليش اوبـــــــاما فاز بلا عناء
لان في وجهه سحــــــــــر من كحلتك

وتدري ليش انته ابن عــــــم النجوم
لان شمس الكــــــــــون طلعت عمتك

وتدري ليش العسـل ينضح من اديك
لان مملكة النحـــــــــــــــل من ملتك

وتدري ليش الـــورده مصدر للعطور
لان من خدك يـروحــــــــــــي شمتك

وتدري ليش اكَلـــــوبنه تخدر عليك
لان كوكائين تـــــــــــــــرمي نظرتك

وتدري ليش انذوب لو باوعنه ليك
لان يورنيوم مــــــــــــــــوجة كَذلتك

وجيب ليل واخـــذ منه التدري ليش
وتدري ليش احـــــنه ربحنه محبتك

درخ من جدمك الـــــــراسك دارخيك
والف من ميه نطـــــــــونه بحصتك

الناس تحتاج الشكر لجل الحــــــــلاة
والشكر يحتاج بس الشفــــــــــــــــــتك

ياملهمتي

عندما ترتمين على صدري ياملهمتي

كأنما أرى آنفاسي تنتعشُ بريحكِ

وعندما آرتمي على صدركِ يامحبوبتي

آراني بأعادةٍ لولادتي من جديد

ليس مطلبي صعباً عندما آتغلغلُ فيكِ

وليس ظن الأناس بي كـ وقح حرفٍ حينما آجتازهُ معكِ

أنا ادركُ ما لايدركهُ الأخرون

ولكنني لستُ بعلامٍ لكل شئٍ يتحسسهُ الأخرون

ياحبيبتي لاترتمي على صدري كـ أرتماءٍ طفولي

ولاترتمي على آنحائي كـ آرتماءٍ عفوي

ولكن أود آن ترتمي آرتماءاً تمزقيني فيه

وتسحقيني فيه

وتدمريني فيه

ثقي ياحورية قلبي إنني أعشقُ عذابكِ إليه

ولكن عندما يكون بالحب لاغيره

فأرتمي وأرتمي

وعلى جسد العشق تبعثري

ولكن من آحضاني بحق إلهي لن آجعلكِ تتحرري

زايد عالعشكـ

زايد عالعشك ماعندي حيل وياك..واحجيها وصدك لو رايد احجيها

وانته اتحايلت وانا ادري بس ماكول..ماتعبر علي بس انا اعديها

وادري تضم علي بس اقتنع ماضام..تتخربط اعذاركـ وانا اصفيها

فوك اشفايفكـ كل الحقيقه تموت..وبعينكـ اقراهه وبعيني امحيها..

ترس روحي العتب والزعل والحسبات..المهه بغيبتك وبالملكه ابديها..

وردت اخفي العشكـ بس نعمة الله الشوكـ..وبيها اشكال شرعي النعمه تخفيها

حبك شمس بيه وماكسرها الليل..جيب لثنعش ليل وماتغطيها..

وحبي بداخلك شمعه بسجن بي ناس..نفخه بحسره اي مسجون تطفيها

وميخالف كلت شمرة عصا وارتاح..شمرة عمر طلعت لازم امشيها..

المشاعر شيبت والعشك يرجع شاب..وياخذه اعله حبكـ بيها..

مااحبك اكلك جنت احبك لا..جنت اشتم نفس كل خطوه تمشيها..

وماابوس التراب التمشي بيه رجليك..كل ذره انا ابوس تراب رجليه..

شكالولك بجالك دمعه وانته بعيد..؟؟...عبالكـ..؟؟ شتظن اسويها..؟؟

كل لحظه بغيلبك ابجي عشر سنين..احط بعيني سنيني دمعه بعيني ابجيها..

شما ارد اخفي سري واقفل البيبان..ومفتاح القفل والرزه اوصيها..

تتلثم صفنتي وتسطي عالصندوكـ..ويفيض الدمع واسراري ابجيها..

ليش تكول رايح ..!! انته وينكـ جاي.؟؟...لتكلب الجروح وسكته خليها..

كلبي بنص عقل خايف خباله يزيد..وخاف يشيل روحي لغيري ينطيها..

ولتكول انتهت تقراهه بالمكلوب..اقراها من الاول حتى ابديها..

ماشايف محب قصة غرام وشوكـ..ماباديها بعده يريد ينهيها..!!

حقي احبكـ

ياضحكـة طفل تتمايل أبممشاك
مو حقي من اشَك اهدومي وتهدل!!

ما شايف بعدني ازغيـر ومعذور
وانته أستاذ بالحب ناجح الأول!!

بس هية المصيبة لو كَعدت وياك
يضيع ألساني مني وكلشي ما أندل

دخاف الله يخايب سودنيت الناس
كلمن عاف شغله وبيك يتغــزل

من تمشي الفراش يحوم فوَك الراس
لأن حتى الورد بجـدامـك أتوسل

اثر جدمك ضوة من تمشي فوَك الكَاع
ولأن شفاف جسمك ما ترك أي ظل

وبالسبعة الصبح لا تضحك أترجاك
وكَـدام البشر غطيهـن اشفافـك

طـلاب المدارس حـارو بمعناك
كلمن ناسي درسه..وحافظ أوصافك

وإذا اتطب للقسم اكَعد بأخير الصف
أذا كَـدام تكَعـد يعنـي نتخردل

مو حتى المدرس سودنيتة وياك
راد يكَول جاوب...كَلك أمعـدل

امرأه من خيال

يا امرأة خيالي


يا من يداعبكِ الخجل ...


ويعشقكِ الحياء


ابتعدي ولا تستمعي الي


فأنا ساحرٌ ملعون ...


يعشق النساء


واليوم ...


 اعتلى منبر الجرئة


على الهواء


لذا احذري !!! ولا تقتربي


من المذياع


ولا تستمعي الي فكلماتي


تخدش الأسماع


وابقي كما انتِ فـ العناد


خير الاطباع !!!


يا امرأة خيالي


لي حروفٌ نرجسية بها


اقتلع القلوب من الجذور


ولي كلماتٌ متأنقة


ورشاقة شعر منثور


وهمسات ادخل المرأة فيها


عالمي المسحور


يا امرأة خيالي


جعلتكِ تعبثين بقلبي


دون اعتراض


مني


احرقتي ... وحطمتي فؤادي


وبقهقة سخرتي من


حبي


وانا امامكِ الان كـ الطفل اليتيم


وليس صعباً ما


ابتغي


يا امرأة خيالي


ليس لي من الايمان الكثير


كي اصبر


ومن عنادكِ واخطاؤكِ اصفح


واغفر


" لا كرامة في الحب "


انا في هذا الصدد


لا افكر


يا امرأة خيالي


سأشرب من كؤوس الصمت


في السراب


واتغنى بالبأس والسأم


واعشق الملل


واتغزل بالأغتراب


واحذري ان تستمعيالى كلماتي


فحينها تكون


لي اسباب


يا امرأة خيالي


يا من يداعبكِ الخجل ...


ويعشقكِ الحياء


ابتعدي ولا تستمعي الي


فأنا ساحرٌ ملعون ...


يعشق النساء


واليوم ...


 اعتلى منبر الجرئة


على الهواء

ابونه انطاك عمره حضرة المسؤول..!!

ابونه انطاك عمره حضرة المســـــــــــــؤول

وقبلها انطاك صوته نصرتأ للديـــــــــــــــــن

وهسه احنا اليتامة وحيل طكنة العـــــــوز

ابكثر ما طكك التبريد جوعـــــــــــــــــــانين

ابونه انطاك صوت اتجازي ولده بصــــــــوت

اخجل يا شمر وانزع قناع حســــــــــــــين

ابن جيراني مـــــــــــــــل وعزل الدكـــــــان

وعلى وجهه كتب لا ديـــــــــــــن لا بعدين

ردت كرصت خبز تنطيني كرصــــــــت ذان

جفك ليش طكنه انريد جــــــــــــف طحين

مثل كلب امي شوف هدومي مشكوكات

وبعد كلشي اخسرت ما خاف رفة عيــــن

تعثـــــــــــــــرك وكفتي ابهذا التقاطع كون

ولا تغلط علي عمي احنه مو وصخـــــــين

المشك من الشمس والسمره لون الجوع

جنه بزود ابونه وداعـــــــــــــــــــــتك حلوين

تره الثوب العلي هذا التشــــــــــوفه اجبير

انه اتذكر علي ضيك قبل ســـــــــــــــنتين

الفرق كلش بسيط انقيســــــــه بلسنتيم

بين المرتضى والعدنه مســـــــــــــــــؤؤلين

علي يطبع اصابع وانتم اطبعــــــــــــــــــون

علي فوك الرؤؤس وانتو علخـــــــــــــــدين

وعلي يصعد مهرته اتشــــــوفه كل الناس

مهرة امظلله ما عنده ابو الحســـــــــنين

استراحة مقاتل

عندما جلست بجانبي..

وجسدي لامس جسدها الطري..

غرقتُ..في شعوراً..

جميل..ضعت في عالم خيالي..

احببت ان يطول وان اسرح اكثر..

شممتُ عطرها..مره ومرتان..

اشم اكثر كيمه من الهواء..

كي اشمُ ذلك العطر..

كانت جالسه بجانبي تراقب حركات يدي..

وتبعد عينيها تاره وتعود تارتاً اخرى..

عندما تبعد نظرها عني ..

وتنظر الى النافذه..

اشعر بعطش شديد لأرى ..

عيونها..فمها..لون بشرتها..

كم وددت..ان انظر الى عينها..

وان اضمها لاحضاني..

واطفئ نار الشوق..

كل يوم اذهب بنفس الطريق..

وكم صرتُ اكرههُ لطول المسافه ولكثرة الزحام..

لكن ..ذلك اليوم كم احببت الطريق..

وكم تمنيت ان تطول المسافه..

وان تزيد الزحامات ..

لتبقى جالسه قربي طويلً..

كم احسستُ بالامان قربها..

آآآه باقلبي المسكين..
مالكـ تنبض بقوه..

فهي ليست لكـ..

استرح..استرح..
ألم تتعب من الهوى..؟؟

ألم تتعلم من دروس الماضي..

كم تعشق الجروح..

لن اتركـ لك الاختيار هذه المره..

انبض كما شئت..

اصرخ..اطلق جنونكـ..

لن ادع احداً يدخل اليكـ مجدداً..

لقد ارهقتني..اتعبتني..

دعني استريح..

دعني استريح..

فأنا مقاتل مجروح..

وحان الوقت لكي استريح..

ياقلبي..

اعترف انها جميله وجذابه..

ورائعه بنظراتها..بحركاتها..

بمشيتها..لكن اتوسلُ اليكـ..

ان تنساها..اجعلها كمن دق بابكـ سابقاً..

ورفضت دخوله..

لااحتاج جرحاً جديد..املكُ مايكفيني..

دعني اجبر جروح الماضي..

تباً للعشق..تباً للهوى.