السبت، 22 ديسمبر 2012

قفشــات عراقيــه

ما حاجة اكَول الخالقك فنان
بعد رب الجلالة وركز ابواحد








صار سنين وانتي بدمعي تتوضين...
من صار الأذان لغيري صليتي...



أحبك حب صدك من حب أهلنة الراح
مو حب هالوكت و العشـــــك طياري




من كد مارسمتك صوره بالبال
كمت حته من اشخبط تطلع انته





اذا رايـــــــد تسولف ســـولف بماعون

عســـــــــل كلمات حلكك لا تبديهـــن




حجى كلمة المسيح وصار روح الله
وانا شكد حجيت وماصرت روحك..!!





أذا باعك صديق برخص فد يوم
البخت بالمشتري والعار عالباع




بسم الله الرحمن الرحيم
{ياأيها النفس المطمئنه ارجعي الى ربك راضية مرضية}
"صدق الله العظيم"
الـربـك روحــي رجــعـت يــوم الــفـراك...
مـظـلـومــه بــمـحــبـتـك وشـــتـكــت لله//





انا شايل كرامة بكد نفوس الصين
الهوة لو شال خشمة يحلم اشتمه







زنجيل ابوذيه..غــزل..




شوف شحلو طوله وهم شيته
كتبت اسمه اعله صدري وهمشيته
خطر عبوات دربه وهمشيته
وهم بمشيتي وطك عليه

واصيراً وذره وذره وتكطع
وحطن كلبي بيدك وتكطع
اوصلك وجيلك وتكطع
شمى تبعد يزيد الشوك بيه

ويصير الشوك ناعم منتمر بيه
وانه شفافك ضكتهه منتمر بيه
ادري شبيه دربي من تمر بيه
يظل يلطم براسه شكد خطيه

لان ماكو بجمالك منتعبره
ومو سهون جمالك منتعبره
الشايب بيدك انته منعبره
يرد لصباه واظن اصغر شويه

وعلى الرقه البيك الله يعينك
وعيونك محنه الله يعينك
تره المفروض انت الله يعينك
ملك بس للجمال اعله الوطيه

وبجمالك كفر حتى انه اشوفك
تعال وهذا حالي خل اشوفك
اذا عالجسر تعبر انته اشوفك
حقه يفك اذا انت منيه

وماريدن ابد بعده وقبله
شفافه الكعبه صارتلي وقبله
اذا فد يوم اكضنه وقبله
اشلع اشفافي وشفافه سويه

وذب شفافي وحفظهن شفاتاك
صلب متغيرك الصعبه شفاتاك
شمالك تركض انت اوكف شفاتاك
انطينه صبر شنهي القضيه

لان مامفتهم انت شمالاك
وعدل وياي جنت انت شمالاك
ردت منك تلم شملي و شمالاك
انه بدونك مطشر حن عليه

واذا فعلن تحبنه لمحنه
نعلمه احنه المعزه و المحنه
تدري احنه الكتلنه و المحنه
لان نظرات عينك بابليه

الأربعاء، 12 ديسمبر 2012

ماردت احبــكـ..



ما ردت احبك حاولت

ومن لفظه اسمك حاذرت

جلمه وشلته من الحجي

ومن اللسان اخفيتها

وبيبان روحي مقفله

و ع لا احب سديتها

صلفه امنياتي الرادتك

سالتني عنك بس صمت

كلش ولا حاجيتها

كالتلي وينه وجاوبت

ما ادري ما دليتها

ما ردت احس بمحبتك

لان كبلك الروح انطيتها

ولخاطرك رحت اعتذر

منيت بيه لخاطرك

مثل الطفل لمن يمن بحاجته

وياك اعز ناسي انتهوا

ما عدت احس بعازته

بدربي كلت لو مو سوه

امشي حياتي بلا درب

يمكن يشح عني الهوا

لا بس جذب.....

معقوله ما نمشي سوا

معقوله في لحظه الشمس

للكاع ما تنطي ضوه

وتنتهي وما نلكه صبح

معقوله يطلعلي جرح

معقوله ريشة شفتك

ترسملي بالضحكة رمح

لا... مو صدك خلينا من هذا الحجي

بجفوني سوله عالبجي

وصياد كاعد بالجفن

للدمع شايل فالته

وياي احس جنك صرت

مثل الهلال وهالته

كالولك يعوفك ترى

تذكر كبل، كتلي شكلهم

كتلك اي

كلهم لمن من تمشي من يمي جنازته

هو اني عايشلك لان

دمي الاعز ما بالجسد

بس انت تعرف حالته

من ما يحس بلمستك

يخلص وتبقى وشالته

تذكر جنت من تعتنيني بلهفتك

مشتاك حتى تشوفني

وتلكاني روح مشككه

ولمسات اديك تروفني

تتركني هسه قررت

ينطيك كلبك ننتهي

وبس بالاحلام تشوفني

تتركني هيج بلا ذنب

بررلي حتى لو جذب

مليت... كلي كمت امل

شي حمله ليلي بوحدتي

ما ينحمل بعدك ترى

وجذبت كتلك ينحمل

كتلك لمن تمشي ترى

تتركني وحدي جن طفل

تايه وكل اهله مشوا

عايش يتاني الما اجوا

كلشي اليمر يفززه

حتى الشماته تتفززه

من يمشي ويهب الهوا

يلتفت حسباله حجوا

لكن لمن يذكرك

حتى الشماته الما بجوا

من شافوا دموعه بجوا

هيج اني من عني رحت

ما تسكت جروحي ولو

دورتك انا بشدتي

شفتك وطن حنيت الك

لكن لكيتك غربتي

احتاريت منهن يا هو اصح

ما بين ذلي وعزتي

اختاريت اعوفك حتى لا

تكسر قرارك دمعتي

وونيت سكته ما ردت

يشمتون بونتي

صح اضحك بنبرة فرح

بس ركز بصوتي بعد

تسمع نحيب بضحكتي

هم مثلي كلبك ما نسى

وهم من تمشي درب

تذكرني خطواتك بعد

ووتترك فراغ لخطوتي

لا تسكت ال لا بينت

بين اثره بعبرتي

ولا تلتفتلي..... بس ردت انطيك اخر ما بقى

وهوه شبقه

من خذت كلشي وبقت

دمعات ليك بذمتي ...

الثلاثاء، 11 ديسمبر 2012

تسمحلي احبك..؟؟

تسمحلي احبك واخذ عيونك
واشوفن بيك وانت اشوف بعيوني

وتسمحلي انسخك وامسح التصوير
وحطك وسط عيني واقفل جفوني

وتسمحلي اشمك واشهكَ انه وياك
خاطر لايشمك بعدي اي دوني

تسمحلي افك كَلبك وانامن بيه
خاطر من تجي العذال يلكَوني

واذا تسمح ابوسك واشتعل نيران
حتى أنعل والديهم لو يطفوني

تسمحلي اشبكَك شبكَت المشتاق
واموت من اللطم ويطيحن متوني


تسمحلي ابوكَن صورتك بسكوت
واحظنها وانوح الليل خلوني

تسمحلي ابوكَن شفتك تذكار
واصعد مشنقه وخلهم يعدموني

وتسمحلي افجرك وانتحر وياك
ونطشر وفنهم لو يلموني

تسمحلي احطك وسط تابوت
وتمدد وياك وفنهم يطلعوني

وتسمحلي وتسمحلي وتسمحلي
والتسمح طويله وتاهت ظنوني

انـه مسودن عشكـ ..

احبك يعني احبك من كلب ولسان

وشما تحمل احبك من معاني

احبك يعني اسهر ما انام الليل

واحزن لو غبت عني ثواني

بس انته اشوفك من كمت اهواك

وغيرك ما شفت حبك عماني

وبس صوتك اسمعه دون الاصوات

وترفض غير صوتك هاي اذاني

مدري تخبلت مدري العشك هيج

مدري حبك هوه الجنناني

واذا عنتر محبته بعصره مجنون

انه مسودن عشك عصري وزماني


كلـش بأتصـالك واضح ويـاي

كلش بأتصالك واضح الصوت

بس مو واضحة كلش نبرتك


فرق كلش چبير أبين الأثنين

حرورة دمعي وبرودة ضحكتك


صوچك علمتني أفتهمك أبساع

تسكت . وأفتهم كلشي بنظرتك


أمسح جفن عينك من الدموع

گبل لا تخنگ بصدرك عبرتك


فهمتك وآنة گلبي يعجبك بهاي

صوتك يوصلة حتى بسكتك


ولا تعتذر عذرك عندي مقبول

خل همسة ترى وهيچ افتهمتك


بعد لازم وراي أرجع للأحلام

أرد أمسح صور بيهن رسمتك


أجيت أبالي مرة وصدگت جاي

بچيت وشبگة مسودن شبگتك


أشبعد عندك حچي وشرايد تگول

تريد تعوفني ووصلت فكرتك


حبيبي أدلل أدري تريدني أنساك

عفواً . قصدي تدلل حضرتك


مدري شجابني وگلت أتصل بيك

أجة الليل وچنت وحدي وذكرتك


عرفتك من ردت تحچيلي موضوع

حچيته وغلبت حروفك حسرتك


وعرفتك من حچيت بطاري الوداع

عرفتك يمكن أتطول سفرتك


قفلت أحلامي والخط بعده مفتوح

وگلتلي وياي وگلتلك سمعتك


ردت نوصف وكتهة أحساسي وياك

وردت تعرف الحصلته بعشرتك


وبچيت وگتلك أنته تخيل تكون

نص المعركة وتعثر مهرتك


على كل الخلص من عمري ندمان

وعلى كل الوصل منك شكرتك


وأهي حيرة من أودعك أرجع أمنين

وألمن جايك وألمن تركتك


من أرد للشمس هسة بعيني ماشوف

يليلي أنسيتهة بگد ما سهرتك


يالحالفلي بس ما تارك شهود

بس فراشك وحايط غرفتك


أنعم الله عليك گتلي وآنة ممنون

منك ع الوفة الشفته بعشرتك


وبعد ما تفرق أنته تعود لو لا

على كل حال من عدهن خسرتك

الثلاثاء، 18 سبتمبر 2012

قصائد قصيره في الحب والغزل


كتبتك بالقصيده وداخو الشبان قريت اوصافك أنت ودوخت شعري
تعال أرجوك مني اتقرب أهواي تعال بروحي أضمك يالخذت عمري
متوقعك تجيني ومنتظر ملگاگـ انتظرت اهواي أشوفك مانفذ صبري
الك اكتب قصيدة بأسمك أبدي اليوم واختمهه حبيبي وياهوى العذري

ردت اكتب قصيدة وحار بيه البيت ووگف حته القلم مايرضه أوصفنه
گتله اكتب احبك ياأعز أنسان رفض حته الكتابه وساعة اقنعنه
رسم عينك جبيره وحاط بيه سهام وسهام البعينك گلبي صابنه
قبل لاحبك أني گلبي من فولاذ وكلماتك خفيفه وگلبي ذوبنه
جنت ميت يغالي گـبل لاحاجيك والميت عجيبة أشلون اعدلنه

اذا گتلك أعوفك أني غلطان واذا گتلك احبك كارثه تصير
لأنك تختلف مو كان ماكان
ومن بين الاحبهم فرقك جبير
بوسع عينك غرگـ مليون سفان وعلى رمشك هوت كل العصافير
على شفافك نضج سبعين بستان وجمالك ينكتب بس بالأساطير
اكتبت كلمة احبك عله الحيطان بدم كلبي حبيبي مو طباشير

ماشايف مثل حسنك حسن دوم ولاشايف مثل اوصافك اوصاف
وجهك بدر ضاوي وشعرك الليل حرير وطوله واصل حد الارداف
وعيونك عجية شحاويه الوان ماوردت على قاموس الاطياف
صفناتك تصفن عاصف الريح ونظراتك ولافسرهه عراف
مكتنزه الشفايف منبع أغراء حلگـگـ محبس ويادوب ينشاف
الخدود مورده ومنتفضه عالناس آه ياغصن طولك طول صفصاف
ضحكتك نغمه تطرب صوتك ألحان مقام أجديد للموسيقى ينضاف
النرجس من بياضك ماخذ اللون ورد الجوري ماخذ لون الاشفاف
خصرك خصر دله أقياسه أصبعين لكن بالسنين الخصر ينطاف
مشيتك تغري بيك اضعاف الانفوس لا كل البشر مو بس الاضعاف
تعال احضني حيل بحضنك ارجوك وعوضلي العمر وأسنيني الاعجاف
غصب عني أمد أيدي اعله خديك وتتجاسر شفاهي اتبوس الاشفاف
ميظل كل عقل من نگعد وياك أحنه أگبال شفتك كلش أضعاف
واعذرني اذا اتماده كلساع بشر محروم انه وماشايف وشاف..!!



مختصر البحور بدورة العين ومختصر الترافه بلحم الازنود
واشبه بيك اكولن شايفك وين أثاري انت النده الساكن بالاورود
ع شباك بيتك اعكد العين مثل حاجبك انته اشلون معكود
انفقدت بالحرب معروف عالناس وآنه بدروة عيونك صرت مفقود
لأن عينك وسيعه واطلع منين وسره ارموشك بعينك مثل الاجنود
اسألك بس سؤال وكلشي ماريد بس لمن تجاوب رايد أشهود
ممخطوف شعجب واحنه بهالاوضاع وين انت جنت من صار فرهود

جمالك مو طبيعي اهواي ضاف اشياء وخصوصا خدك انت اهواي جملهه
اذن دائما حاول لاتطب للبيت الطبيعه تريد من عندك تكملهه
وردته من الله حجه حته أظل كلساع الاكي عيونك بختله واغازلهه
سامع شخص وك يدلل الكتال نظرتك بيه تكتل وانا ادللهه
شني هذا البياض المزدحم بالأيد يمكن بالحليب ايديك تغسلهه
عليك الله حبيبي بشارع من تفوت ضحكاتك بعد حاول تقللهه
العصفوره التزقزق هم خطيه شبيك بصوت الضحكه جاي انته تخجلهه
كبل لاشوفك اني جنت مدري شلون عايش بالحياة وهيجي حاملهه
بساعتهه اليشوفك لازم المفروض شهادة كون ميلاده يسجلهه

شكتب غزل عنك كلك انت اعجاز اذا طولك قصيدة وصدرك المطلع
ماأكدر اوصفك ابقه يمي اهواي بأوصافك اريدن بعد أتشبع
الأعرفه انت تسولف هسه جاي وياي ولكن صوت بلبل منك آني أسمع
سألت اني صديقي وكال وردة جوري فوكاهه النده أتجمع
جرب مره وادخل للحديقه اليوم على وجهك يجي الفراش يتجمع
لأن عالخد حمار الجوري كلش طوخ ومابين الشفايف للعسل منبع
وماأتولع تريد انه بيك شلون اذا حته كمت بيك انت تتولع
شكد شايل حسن لامايخلص بيوم ويومية حسن للحسن تتبرع
من تمشي وتدوس برجلك انت أتراب يطلعلك زمرد صافي من يلمع
هاي إبرجلك وهيجي التدوسه يصير اذا لحت التراب بشفتك شيطلع..؟؟

مختارات شعرية غزلية




ماأكلك عسل ماتقبل ادريك وتعرف ليش ماأكلك يمعسول؟
جبت من المناحل عسل مقياس طلعت الخالص انت وهو محلول
اذا ماتقبل انته انشم عطر بيك أذن منبوس خدك هذا معقول..!!
بعين امه غزال المو حلو يصير وغزال الجنه بيك يصير مجهول
اذن لو سألو أمك عنك شلون الله يساعد أمك مدري شتكول..؟


مايكمل حسن محتار عقلي وياك عد أمك وأبوك من الحسن مصنع؟؟
تنست بالشمس امك وطلكت بيك لو جابت وشمس من الارض تسطع..؟؟
ياوصف الاوصفك بيه حتى ارتاح شكلك جنك انت واسكت واقنع..!!
يوسف اخذ تسعه عالجمال البيه بس انت اعله يوسف تاخذ مربع


ع شفافك تحط كل الفراشات وعلى صوتك غفت اهدأ موسيقى
وعلى خدودك اشوفن كل الاورود وعلى الوجنه انضجت أجمل حديقه
حقيقه انت كمر يمشي أعله هالكاع وعلم الفلك أكد هالحقيقه
من شافك الكمر بعض الضوه البيك تركلك هالسمه وماظل دقيقه


العميد اليفتهم والصح عميد يعزلك انت لوحدك في قاعه
تشده الطلاب في حسنك تحير شايل اصناف الحسن وانواعه
مدوخ استاذك النص ساعه شتصير بس صفنته عليك فوك الساعه



أمس من گد جمالك يوم مريت شفنه الشارع أمجلب بالجدام
بجمال أجدامك أنت امدوخ الناس يستر الله من الفوك الحزام
نجوم صورتك من ردنه فديوم مارهمت الجامه وهالسبب هام
لأن جبال صدرك عاليه اهواي وهم شايف أجبال انحطن بجام؟؟
انه لشباج صدرك جاي وادخيل وبشفافي ذنب وعليك محتام
عود انت جمالك ساتره الثوب لعد جوا الهدوم لناسك شضام..؟؟
دوله وعلم طولك بين هالناس وتقديرا الك ولشخصك أكرام
اذا اطب غير دوله تخلي قانون احترام لشخصك ينزلون الاعلام
بجمالك واحد وأول من يعدوك وفخر كلهه وراك أتصير الارقام





الثلاثاء، 19 يونيو 2012

ابوذيات

حبيبي ومن بعد قربي ( شمس ماي )
الخصر ماي واذا الزم ( شمس ماي )
السنه بلحظه
الكلب شظه
صفر حظه
صبح كافر
بمي شفتك
اجه اتوضه
الك كاتب
اذا تسمع
فقط ومضه
يل مالك جمال ابمشيك عالكاع
ملك الحسن جنك حقنه لو نخدر
تكبرلك شهر تصغر بعشر سنين
ربك خالقك تصغر شما تكبر
واسئلك هم شفت كبلي ( شمس ماي )
الشمس ماي بغيابك تصفه ليه


غير اللي تضحيله يضح كون
وكمرة بليلك الاسود يضح كون
مشيت وعفت شماتي يضحكون
تبجيهم لمن ترجع الية ..



مثل مای النهر من سهر بالحب
انا گاعی عسل والملح بالحب
یگلبی وهدنتنی اردود بالحب
اشمالک ما درت بالک علیه



غزل عينك رهن روحي وجرهه
وشعل نيران البكلبي وجرهه
اريد اتمسك بشفتك واجرهه
حتى انقل ذنوب البيك الية



احس الكَلب واكَف من تكلمة
وراح انطيك كَلبي وانت كلمة
بعد مااكَدر اسكت هية كلمة
احبك حتى لو تزعل عليه.


يل طبع العسل دمك...طبعه إنته
إذا بالدنيه اهوي واحد...طبعن انته
تقرير لگلبي إكشف و...طبعه إنته.
يطلع مكتوب؟؟احبك؟؟ للمنيه.


حجي الوجهين صدك مو طبعنة
ولجل عين الحبايب موطة بعنة
حجي استنساخ بالحب ماطبعنة
نزف شريان ننزف كل مسية



وحق الي محه العزه محه اللات
شفافك عسل من ربك محلات
الك على الشارع بكلبي محلات
محل حب ومحل شاعريه



محبتكم عشو ليلي عشانه
الاحبه الروح انذرهة عشانه
اشتهينه اليوم من خدك عشانه
نضوكه اشويه منه وهاي هيه



نــاصي البخــت ويـايـه علي وياك
واجيــت اليـوم اباركلك علي وياك
اغلطت من گتلك امودع علي وياك
علــي مايمشي ويــه الخـــان بيه



الخميس، 17 مايو 2012

وحك نجمات عيني الطشرته بليل..

وحــــك نجمات عيني الطـــــشرتها بليل
وحك كل حرف عاش بصــــــفنتي العذبة

وحــــك ذيج الترافة الخلـــــــــصتها عليك
وحــــك كل بيت دافن بيــــــــه الك ضربة

وحــــك خيط امنياتي البــــــــيك معكودات
وحــــــك جنة أحلامي البـــــــقت ملتهبة

بعـــــد ما أحن إلك مــــــــثل الحنان الفات
وطـــــــيفك من يمــــــــر بعيوني ما أكلبه

أنــــــه بعازة وطن يجــــــمعني من منفاي
مارايد وطن بيه أشــــــــــعــــــــر بغــــــربة


صــــح بيك أذنبت والشـــــــوك غالب جان
لجن للذنب ربي مشـــــــــرع التـــــــــوبة

بـس والخله صوتك بذن غـــــــــيري يصير
ابــــــن آدم حيــــل يكـــــــــبر لو زغر ذنبة

يــبو كلب الأبد ماضــــاك طــــــعم الشوك
عــــــرفت اللــــــي يحـــــبك تكـــــره تحبة

ويـــــل إبالي إزرعت حسبات ملــــغومات
كــــــــــــامت بيك حسبة تفــــجر بحسبة

كتـــــــــلك من جنت تحلم بفيـــي تعيش
الحـــــــــــب مايعيش بكلـــــب ســد كلبة

ومــن حسيت كلبك بيه طـــــمع ويـــــاي
ضــــــربتلك مثل واحد محــــد يضـــــــــربة

عـــــــــاين عالشمس لمن تــــــريد تغيب
بعــــــــــيون البلابل تــــــزرع الــــــــــرهبة

ماتلكـــة ثمر بــــــس بيهاركّـــــــــــز زين
إشلــــــــون وي العصر تزدحم عالـــغربة؟؟

وكتلك عالتواضع مــــــــــــــــــيزة العشاك
من شفت الـــــــــــــــــــــغرور بكلبك تربة

وانطيتك مــــــــــــــــــثل بس تيهت معناه
لان جانت الــــــــــــــوردة بنظرتك لــــعبة

الفراش ابيض لبس واعليها ظل يــــطوف
لان بعيونه جـــــــــــــــانت تنحسب كعبة

ورغم كل الجــــــــمال البيها تحني الهام
وتركع مثـــــــــــــــــل عابد لبه أمـــــر ربه

مـــــيلاد الجـــرح بيدك مقيد جــــــــــــان
وما أشـــــــــــوفن إبإيدك تكـــــدر تطـيبة

لابـــــــس ثوب واحد جبت عــمري وياك
وإنت ويـــــــــاه جنت تمشي بجلد حربة

أنطيتك كلب تحــــــلم الـــــــــــــوادم بيه
كتـــــــــلك صونــــه إلي ماكتــــلك تخربة

أووضحت الخلـــــــــود وسولفـــتلك بـــيه
وكتـــــــــلك لاتصدك فكــــــــرة العــــشبة

المايوفي بعشـــــــرته ينسي من يموت
اليـــــــحب كلبه بصــــــدق يتــخلد بحبه

الأربعاء، 16 مايو 2012

تعاليلي

تعاليلي ابتسامه بگد كبر فرگاج
جرحي انا يطيب بصوت ضحكاتج

عله دجله صفنتي ووگف مجرى الماي
وحياتي اتوقفت گدام صفناتج

منو گال انتي صوتج ناي من تحجين
 صوت الناي يطلع وي حسراتج

وهلگد مارقيقه وشايله انتي احساس
فراشات تطلع وي نظراتج

مامجروح منج بس جرح فرگاج
وأشكبره الجرح؟ يمكن كبر ذاتج

واطعنيني اعله كيفج الف طعنة موت 
بس ماريد عيني تشوف دمعاتج

واطعيني وي گـلبي الف طعنة موت 
نخلص الليل كله نبوس طعناتج

خل أصحه اعله شوفج ترسي عيني احلام 
ربيني طفل وابخيمة احساسج

شايل شوگـ ألج ماادري أوصفه إبيش
 اكض روحي واگولن هاي لمساتج


غصن روحي يفز لمن يمر طاريج فوگه شجم جرح وبذكرج يطيرن


بس يندار وجهج الف جرح يصير ومدري شكد اذا ماشوفج يصيرن


من تعطش ارض ترتوي برشگة ماي
 وعطشت روحي الج ياماي يرويها


وعطشت عيني ألج بس ترتوي بملگاج
 ولو بس صوره منج عاد ألهيها

وره صوتج بعد ماسمعت اذني الصوت
 واحس الدنيا خرسه وصوت مابيها


جنت ماأنسى كل لحظه التمر وتروح 
هسه الدنيا بعدج كلها ناسيها


مامحني گبل رغم العليه اثگال
 بس بعدج غصب عالروح حانيها


اذا تيهت دمعتي البجي ادروبه منين
 انه اخذ دمعتي وبيدي ادليها


توگع ورده تحزن شجرة البستان 
واحسج مني ضعتي شلون اعديها


فهميني النهايه فرح لو تابوت 
ياهو الجان سهله المهم تاليها






الثلاثاء، 15 مايو 2012

دفــــو حـضــنـك




گـصر شوگـك عليه وطال صبري أعليك وعله امثالك بعد ماترهم أمثالي

جنت مالي گـبل من جنت تنزف شوگـ بس هسه انتهيت وصرت مو،،،مالي

لاتنغر بطولك ولو طولك بان وعله صدرك عنب عشرينك أيلالي

السعف هم عالي لكن مايشيل احساس وعله احساب الجذر صار السعف عالي

شتلتك بيدي لهفه وخضريت أفراك ويم بيبان عينك دمعة أسلالي

ألمن جايني وياجرح جبته وياك حافظهن عليمن جاي تقرالي

جرف شالك ضميري وماشربتك ماي وآنه أنزف عطش والصبر يبرالي

لتغرني بدمعتك ذاك گلبي أنساه مايشتاگلك صار الگلب خالي

أشد عيني أبرمح لو مره حنت ليك واعميهه اذا طيفك تعنالي

ندم خضرن أجروحي وماگلتلك شوف ولاگـدام عينك رخصت حالي

شتلهن وادري ذنبي وأنه مامعذور عله أخيال الشمس جنت اشتل آمالي

بعد مايهز شوگـك شعره من الروح ولايم بحر عينك تلتف أحبالي

ولا أحن لمناير صدرك المجنون ولا عنك بعد ينسمع موالي

عرفت أبرخص شعرك والسواد البيه وعرفت أبذهب صدرك جان مو غالي

وعرفت أبدفو حضنك حرگـ غيري أهواي وعرفت بليلمن ظل شمعك يلالي

وعرفت ألمن بعتني وياجفن غراك وعرفت بيا نده بدلت شلالي

كبر جرحك أبروحي بيا عذر ينراف ترس جسمي ونزل ظل ياكل أخيالي

الشمس غرتني بيك وجنت أشوفك ماي ويهزني الهوه والدرب يحلالي

ورخصك باع عمري وماگـدرت انساه وشلته من الگـلب بس زنجر أبالي

ولك جتالي انته وهسه جاي أتريد أغسل دم رگـبتي أبسيف جتالي


جنسيتي محبتكـ


مجنون أبمحبتك يا اعز إنسان
يا أجمل قصيدة و أحلى معزوفة

يا مالك خيالي و فكري يا معسول
اكتب بس إلك كل شعري و حروفه

قافيتي شفافك و الوزن رمشين
و عيونك بحور الشعر موصوفة

صوتك عدّة بالغبشة نغم فيروز
و ام كلثوم من قاموسي محذوفة

ألف ليلة عسل عشناها آني وياك
و الليلة إلّي ضلت اضن معروفة

نگضيهه حضن و نطابگ الشفتين
و نغني و نسولف أحلى سالوفة

يا كلشي بحياتي و يا فرح دنياي
يا من شلت من گليبي كل خوفه

ما أضنك تبيع و لا أبيعك يوم
اكو واحد يبيع گليبه و يعوفه

و خطية الگمر يبچي و يون تالي الليل
حدر الغيم يختل صابته الخوفة

و گمر ليل المحبّة بشوفتك مقهور
إذا حتى الگمر بالليل بچيته

و گلوب الشباب تفرفح امن تفوت
و الشايب بعطرك اضن شليته

و نسوان ألتشوفك منك يغارون
و ألبعده مراهق نظرة أمنيته

و الطفل إلّي يرضع بعده بالكاروك
ضل يمشي وراك و يحچي خليته

و إذا شرطي طلب مني هويتي بيوم
أبرز صورتك تشتعل بيبيته

يفتحلي الطريق بصورتك مبهور
إجلالاً يدنگ و يذب بيريته

جنسيتي محبتك تدري كلش زين
شنو قيمة ليضيّع يوم جنسيته

حبك غيراني و صرت أموت عليك
شتلت گليبك بنص گلبي و سگيته

و الدم إلّي يسري بجسمي ما أحس بيه
دمك يسري بالشريان حسيته

انت العلمتني العشگ و الإحساس
فضلك عالگلب لن يدگ خليته

علّمته البراءة و طفل صار وياك
يمشي و ما يريد ايرد على بيته

فرحان و اجالك تدري يوم العيد
رايد بوسه منك هايه عيديته

يا أجمل بشر خالقك رب الكون
يا أطيب گلب بالصدفة لاگيته

يا أوفى البشر يا حلمي يا دنياي
يا أول شخص من گلبي حبيته

دوّرت شكثر ما شفت مثل شفاك
علاج و كل مرض من بستك نسيته

شلت كل المواجع من گلب تعبان
بيدك جرح الي ابدلالي داويته

يا اسمي الثلاثي و گمر تالي الليل
رسمك بالگلب و بدمي خطّيته

يا قوس و قزح يا مثل للعشاگ
يعشگ گلبي حد الشيب وصيته

فرض سادس أشوفك صار تالي الليل
نسيت الخمسة و السادس أنا أديته

صدّگني احبك حد گطع لأنفاس
لأنك انت حلمي إلّي تمنيته

تمنيتك گبل ما أشوفك امن سنين
حبك بالگلب من زغري ربيته

ما أضيعك من ايدي و لا أفرّط بيك
إلا بحالة گلبي يعوف جنسيته

إذا يلفي عليّة بليلة ملك الموت
اعذر گلبي لمن توصل منيته

الأحد، 13 مايو 2012

فدوه لله




فدوه لله الرتبه يم طولج تلوك
شبيهه لو توكف خفر يم بابي
والله لو بس عدنه منج عشره جان
مايضل بالبلد نص ارهابي






 




تذكر كتلي انجح والتريدة يصير
نجحت اني واريدن شوفتك هسه..!!


 




ياربي موعندك ملك ياخذ الروح. 
شلون ترضى انسان ياخذ روحي..!!


 


اسولف بس دمع للجاي خطار
وخطاري الحزن بيمن اسولف..؟؟


اضغط على الصورة لرؤيتها بالحجم الطبيعي

انته من تمشي الورد يصفن عليك 
وحتى من شافك طلع من طوره
واني بعيوني شفت منظر عجيب 
ورده حــمره ويــاك تاخــذ صـوره


اضغط على الصورة لرؤيتها بالحجم الطبيعي


جنت اعتب على اليشرب نراكيل ....
هسه بغيبتك اشرب بلنكوو؟؟؟



 

السبت، 12 مايو 2012

بشرني اعله جرحي شلونه وياك..؟؟

مثل راتب تقاعد صاير وياي ..!!
كل شهرين اشوفك مره وحده ..!


بعت سنين عمري بيوم طكني العـــــــــوز !!
بس ثق بمحمد ما بعت ربعـــــــــــــــــي....!!



ما اريد بقصر حته اسكن وياك
اريد وياك اعيش ابطل راني
ونصير ثنينه مثل الحبيبات
ونكتب ع البطل رج القناني


يوميه البس جرح صدكني ماملبوس
حتى الناس كالو هذه كشاخ..


لا اتراوغ بحبك مو دخت بيك
دخيلك لا تصير اكبالي ميسي


كفرت كفره بغيابك هزت الكون
بحيث بليس صاح استغفر الله


أحبك حيل احبك حيل احبك موت
ماترهم اعوفك وانفرد وحدي
منو بكدي يحبك دور اتحداك
أمك لا جذب متحبك بكدي


انه الرايد مشابك شلي بالحاجوز
عركتي وياك كلها لخاطر الشبكه

 

شنو يعني وذا بجيتني اشبيك جا ربك عليمن سوه الدموع..؟؟


شلت كلبي ابمكانة احجاره خليت اشو كامت تحبك حتى الحجارة..!!


خرسه النار لكن تحجي لسعات
تسولفلي سوالف تحرك الروح


نحبك بس غلطنه وما أجيناك
أغلط انته مره ومـر علـينــه
موشرط التحبه اتروحله الناس
نحب العيد بس هوه اليجينه


حكني جفي كالو تسالم حبيب
ارد اسالك عالتحكه شفايفه ؟



صبح نافوره جرحي بيوم الفراك
اجو شماتي طكو يمه صوره؟؟؟


كل ساعه الشماته تصيح ما جاك
صرت نجــــــــــار من كد البسامير..!!


صحت علجرح هاااا ياجرحي خانوك..؟؟؟

دنك راسة جرحي وكال ميخالف



بشرني أعله جرحي شلونه وياك
خـــــوما كاعد يضوج سجاجينك..؟؟




اذا زعلك (يزيد) يريد ذل الناس !!
بني هاشم جروحي وترفض الذله..


مو شرط الحرامي يصير مكروه

أُم تخاطب أبنها في قبره

قتل الشاب بسبب حبيبته!

ميت ادري بس شو واهسك مكسور..
انه امك ملامح گبرك اقراها..ّ!!

چنك تدري ولفك لاحه چف الغير
وصعدت نار گبرك والله طفاها..

شني مالهتك يايمه وحشة موت
انته ابمگبره وهم روحك وياها..؟؟

انته اول عشگ بين المكابر عاش
يمه ابيش احلفك حتى تنساها..؟؟

وين اتخلي حزنك والگبر شبرين
مكانك مختنك مو مال تهواها..!!




الشماتة بغيبتك لمن افوت...
.كلهه توكف ياهله يغنولي
عاشت ايدك عالجرح تفصاله زين.
من افوت شطالع يصيحولي.؟؟



جفن عيني يعطب لمن تروح
بحيث ادموعي تنزل بيهن صخام..!!




تدري انة بغيابك بعت العيون...
فلاح اشتراهن يسكي بيهن..!!



صار الحزن ديني والفرح كفران
أذا اضحك أكول استغفر الله..!!




مو شرط الحرامي يصير مكروه ....؟؟
اموتن عالحرامي الباك كلبي ...!!



انه جروحي شباب وبيها متونسين
خاف اطردلي واحد تخرب الكعده..!!




دموعي الغاليه تسوى ملايين..
صفت حاجه بربـــــع من فاركتني..!!




طحـــت واسم الله صاحـــن بيه الجـــــروح

بســـــلامة اتكـــــوم يالجــــــامع شملنــه..!!

الخميس، 10 مايو 2012

لستِ فاتنتي..


لا لست فاتنتي لا لست ملهمتي..

فأنا مزاجي في النساء معقدٌ..

بطبيعتي لا تفرحي وتهللي..

وتفكري وتحللي..

صدري أنا أنفاسه ملك فقط لحبيبتي..

أنا عاشق حد البكاء..

وحبيبتي يوماً ستأتي..

كي تبادلني الوفـــاء..

أنفاسها إحساسها بركان نار..

لا .. لا تدخلي مدني..

لا .. لا .. تسرقي زمني..

صدري أنا أنفاسه ملك فقط لحبيبتي..

صعبٌ .. صعبٌ .. أبادلك الهوى..

وأنا لغيركِ بالمشاعر أنتمي..

صعبٌ .. صعبٌ .. أعيش بعالمٍ..

بعد السماء عن عالمي..

أنا قد نذرت مشاعري وعواطفي لحبيبتي..

لا .. لا تدخلي مدني..

لا .. لا .. تسرقي زمني..

صدري أنا أنفاسه ملك فقط لحبيبتي..

غير انساكـ غير اكدر



غير انساك غير أكـَدر



غير اكمـّل حياتي بغيرك اتصور




غير انزع محبتك واطوي كل ذكراك




وعن بابك اكظ الجدم واتصبر




غير امنع الطيف اليدكـَ باب العين




حته الزم اعيوني اعله الشخص لو مر




غير امسح الذكرى البيهه روحي اتذوب




حته اتكـَلي اريدك واكـَدر اتعذر




غير اعله اليشبهك ما احن واشتاكـَ




حته اني منشوفك عيب اتبسمر




غير انساك غير اكـَدر




غير اصحه الصبح ما احلم برؤياك




حته ايمر ضحه وما اكـَد اتنطر




غير انساك ليلة وعيني تغمض يوم




وسواليفك وطيفك يمي ما يسهر




غير عطرك عطرك عن ثنايا الروح




حته اقنع بغيرك وارضه واتعطر




غير انساك غير أكـَدر




متلبس بروحي شلون انزعك ليش





ياهو العاف روحه وعنهه يتنكر

الأربعاء، 9 مايو 2012

حبيبتي انتي..



حبيبتي..حبيبتي..

انـا اعبدُ عينيكـ..

انا اعبر النجوم..

لقد نسيت المشي..

لكنِ تعلمت الرقص..!!

عندما لمستني..أصبحت رائحتي زكيه..

في مـطــركـ..غرقت..

وتفتحت ازاهيري..

 تفتحت كورده في مرج حبـكـ..

كـان الضبــاب في كــل مـكــان..

كنت ضـائعــاً من دونــكـ..

قلبي يخفق لكـ وحــدكـ..

اتنفـس من اجلـكـ فحسب..

لقد كنت ميت..!!

وعندما وجدتكـ..وجدت حياتي..

وجدت الحياة..

وجدت الحياة في حبكـ..

انت قريب مني جداً..

حتى انه يمكنني ان اعــد انفــاســكـ..

نحن تائهان في بعضنا..

عسى ان تدوم هذه اللحظــه للابد..

انــا صــوت قلبــكـ..

لن افترق عنكـ ولو لحظه..

كيف لي ان ابتعد عنكـ..؟؟

انـا اسكنكـ..حبيبي..

انا موجه في بحركـ ..

هـــنا انـا ارافقــكـ..انا معـكـ..

لقد عثرت على كــل سعادة العالم..في حبكـ..

حبيبتي..