عيني بساعتي وعالساعه بس اسال
موكد الزعل هسه اني ليش ازعل
بالساني كلتها انتهت الله وياك
عساني لا كلتها وعسى لساني انشل
جاهي سوالف واكدر بلياك
موتني البعد شوفولي صوره حل
اكتبله رساله اشلون اخاف انذل
واخاف يكول راح ورجع يتوسل
كابوس القلق ماخذني عرض بطول
شو مامتصل شو كطع شو طول
يسلب راحتي وعافيتي من يغيب
لان بس الله يدري بداخلي شمحتل
صفيت ابلا سبب اتعصب عالناس
والنفسيه تتعب والوجه يذبل
ساعه البس اهدومي واطلع من البيت
يم عتبت الباب وراي يتبدل
وارجع وين اروح وياطريق امشي
اني بدونه ضايع كلشي ماندل
وبطران ال يكلي اصبر شويه وشوف
اسكت عمي دسكت خاف ماتقبل
اهن يومين مرن كبرني اسنين
بعد يومين تلكه جنازه تتغسل
وافكر بالفرق من جان يقسى وياي
احسبها حرص وابلعها واتحمل
ادورله عذر واليحب يلكه اعذار
ومايرفض الناس الطيبه تدخل
بس المايسامح اصلا هذا جان
امنيته يكلك روح بس يخجل
بعد ماظل كلام الينحجي وحجي
ودوله القصيده واليحب يندل
