ماأكلك عسل ماتقبل ادريك وتعرف ليش ماأكلك يمعسول؟
جبت من المناحل عسل مقياس طلعت الخالص انت وهو محلول
اذا ماتقبل انته انشم عطر بيك أذن منبوس خدك هذا معقول..!!
بعين امه غزال المو حلو يصير وغزال الجنه بيك يصير مجهول
اذن لو سألو أمك عنك شلون الله يساعد أمك مدري شتكول..؟
مايكمل حسن محتار عقلي وياك عد أمك وأبوك من الحسن مصنع؟؟
تنست بالشمس امك وطلكت بيك لو جابت وشمس من الارض تسطع..؟؟
ياوصف الاوصفك بيه حتى ارتاح شكلك جنك انت واسكت واقنع..!!
يوسف اخذ تسعه عالجمال البيه بس انت اعله يوسف تاخذ مربع
ع شفافك تحط كل الفراشات وعلى صوتك غفت اهدأ موسيقى
وعلى خدودك اشوفن كل الاورود وعلى الوجنه انضجت أجمل حديقه
حقيقه انت كمر يمشي أعله هالكاع وعلم الفلك أكد هالحقيقه
من شافك الكمر بعض الضوه البيك تركلك هالسمه وماظل دقيقه
العميد اليفتهم والصح عميد يعزلك انت لوحدك في قاعه
تشده الطلاب في حسنك تحير شايل اصناف الحسن وانواعه
مدوخ استاذك النص ساعه شتصير بس صفنته عليك فوك الساعه
تشده الطلاب في حسنك تحير شايل اصناف الحسن وانواعه
مدوخ استاذك النص ساعه شتصير بس صفنته عليك فوك الساعه
أمس من گد جمالك يوم مريت شفنه الشارع أمجلب بالجدام
بجمال أجدامك أنت امدوخ الناس يستر الله من الفوك الحزام
نجوم صورتك من ردنه فديوم مارهمت الجامه وهالسبب هام
لأن جبال صدرك عاليه اهواي وهم شايف أجبال انحطن بجام؟؟
انه لشباج صدرك جاي وادخيل وبشفافي ذنب وعليك محتام
عود انت جمالك ساتره الثوب لعد جوا الهدوم لناسك شضام..؟؟
دوله وعلم طولك بين هالناس وتقديرا الك ولشخصك أكرام
اذا اطب غير دوله تخلي قانون احترام لشخصك ينزلون الاعلام
بجمالك واحد وأول من يعدوك وفخر كلهه وراك أتصير الارقام
ليست هناك تعليقات:
إرسال تعليق