الدايم الله ولو مشو يتعوضون

 الدايم الله ولو مشو يتعوضون

قوي گلبك وانسى كل واحد نساك

لا اچلبلي بگفه الرايد يروح

ولا تگله شلون اكضيه بجفاك

كله تگطع والله مايگطع حنين

شما تسمعه انطيني تسمع منه هاك

انه اعرفه الليل عالفاگد ثگيل

وادري مو كل واحد يسد مشتهاك

بس بعد شسوي لازم ماتطيح

لوحدك و٦٠٠ الف شامت وراك

ناس ماشت ناس وصلت بيه ناس

كثر دموعك اذا شوگك خذاك

الشوف لو تنطي لابنادم يخون

وينكر الطيب ويجي يعيرك عماك

اكبر وفارگ هوه اليتواضعون

وقوي گلبك وانسى كل واحد نساك

كل لروحك المن بالمشى امجلب / 2019

كل لروحك ألمن بالمشه مجلب
اليظل وعده غيرك ظلته اتعب

 دمعتك بس الك مايدري المتاني
 الحزن وادم عرب تلتم من المغرب

 تره تغث اليطلبك ثار من تموت
 البشر يهتملك من تكوم غيره تحب

 مو كل عالي يحله الشمعه نجمة كاع
 بالمشاور الصوت شما عله يجذب

 الظرف تقراه بنبرة صوت المودين
 ومرات الحجي المو يمك يعذب

 عكب ذاك التعب شيريد يهتم بيك
 ماكو احد رجعته ترد المشيب

 وجع حكة بجلد محروك المتاناة
ومو كل اليروح بغيبته تحدب

 كفاك يرد عدل من تنسى جرحه الراح
 العلم يوكف طبر كلما الريح تهب

 يفك حضنه القفل للمو بكلبه يعيش
 وخلص عمره العطر يم الجرح مذنب

 الياذيك التضمه بداخلك ويروح
 الدخل مثل الكشر مات اعله مود الللب

 الصور تنشاف بس البيه ماتنطيه
 ماينطيك نجمه الليل من تحسب

لاتجبرني اسوي الماردت كوه / ياسين الشاوي 2019

لا تجبرني اسوي الما ردت گوة
 يبقالك ضرة الما صارلك تجوة

 لا تختبر گلبي الورد هم بيه شوچ
مجبور اعلى سدها اسوالف البلوه

 الحرب..
 فلحة انسحابي القيت حجة عليك
 السهم صح ينسحب بس يرجع بقوة

 راضيني..
  الزغيرة تطيح حدر افراش..
بس من تكبر الثار يسابك العطوة

 واندهني ..
  اجيلك واملي صدر الغيم
زلم چنهم نجم غاطي السمه الصحوة

 وتد واندگ بجلمة حيهم امن اتصيح
 احط بصفه ذاك الرادني بجلوة

 جَسر وإسأل بكلهن اسمي ظل محفور
واخرهن فزعت لصاحب الفتوة

 انا ابن "العشيرة" التمشي وي الدين
العشيرة العدها عيب سوالف النهوة

 غيور وما مسولف عن فصل نسوان
عزيز بعين ادم كل ذنب حوه

 انا التذ بالصعاب وخلگي يطرب حيل
 لذلك عندي لذة مرورة الگهوة

 تيامن گلي ابوي بطبة الديوان
 واحذرك لا تخلي لگعدتك تجوة

 الما يسوه وغلط لتدير بال عليه
 بس كثر العتب لو يغلط اليسوه

 ولا عاتب نهر عن سالفة غرگان
الموخيالها لا يعتلي الصهوة

 جمِّل صاحبك تعكس اصورك بيه
 الوتد ما بي نفع من يندگ برخوة

احسبني بصلاتك ذنب واذكرني / مهند صاحب 2019

تره لحد هسه نابت بالظهر رمحك
تمرد كلبي .. وبوجهك بعدني اضحك

تبجيني .. واردلك مستحي من الماي
خاف دموعي يم الوادم تفضحك

أعذرني المحبه تفشل وي الناس
مو بيدي اذا بين علي جرحك

ولو عيب من ألومك بالقصيده هواي
انه معود اغازل أي ضوه يلمحك

وياي وتبت شككت سر الليل
واحركت الاشعار ابابك ومامش

وصلولي السوالف حاجي ساعة كيف
غطيت الوصلي واستحى الهامش

يالتنغث كمت لمن امر عالدار
ثكل وجهك سبك كل واهس وطارش

امس طيفك ختمهه واختصر الاحلام
شعجب ليهسه بعدك اعله الامل عايش

شعجب تتنفس وماميت من الشوك
وانه لكلبك دفنته بأول المشوار

تمر بيه شتظن يطلع غصن للجاي
ابشرك كمت افز من طاري اي تذكار

جنت بلا عقل صدكت عشك البيك
طفل مرات يخطي يصدك الاشعار

انت الضيعت حلم الحياة وياك
يبو ليل الوناسه شعندك وي الدار

اعذرني التفت مو عن قصد والله
انت ابالي حالك .. حال اي خطار

طيب ممكن نعيد العتب لو يوم
وابينلك اسبابي وكثرت ذنوبي

مو بيدي من اشوفك ارتبك وانهار
واكبالك اتيه واكشف عيوبي

تمر بيه السنين بلا طعم لا لون
كلش فاهيه الدنيا يمحبوبي

انت الصدكت بالجهل والتاريخ
وانه تعمدت يتغير اسلوبي

ننهيهه ..؟ حرام الرحله تسوى هواي
مانتفق .. ممكن باجر تصحي

تنشال الستاره وتنكشف الوجوه
وتعرف بيه وين بيا ضوه مضحي

ماترهم بعد شيبنه يابو كليب
والنخله اعكرت وتفرهد البرحي

دك اي باب واحلم ليلي مابيه طيف
انه لغير عالم ينتمي صبحي

احسبني بصلاتك ذنب واذكرني
انه اقبل بكلشي المنك يمرني

تتسلى بمذمتي .. غني بيه ارتاح
كثر صايحي كون انت متهني

ع النظره العمر مو عيب من يضيع
هو الحب الاول يسوى كل ذني

نبض ~||: شكد بعيني بعدج مرت وجوه..رائد ابو فتيان 2014

نبض ~||: شكد بعيني بعدج مرت وجوه..رائد ابو فتيان 2014: شكد بعيني بعدج مرت وجوه عدن وانتي ظليتي اعله بالي المابي ريحتج ميمر ع البال ماخونج جنت حتى بخيالي وانتي اكبالي بس عينج ع الوياي وبعدني اكب...

شكد بعيني بعدج مرت وجوه..رائد ابو فتيان 2014

شكد بعيني بعدج مرت وجوه
عدن وانتي ظليتي اعله بالي

المابي ريحتج ميمر ع البال
ماخونج جنت حتى بخيالي

وانتي اكبالي بس عينج ع الوياي
وبعدني اكبالج وصار ابدالي

استعجلتي تره الخنتيني وياه
اتعنالج لان.. فاركله غالي

الفرق مابين نيتي ونيته وياج
رادج للهو .. وردتج حلالي

راد براسج انتي يخلص الليل
وانا ردتج تصيرين ام جهالي

مابيه نقص جان النقص بيج
لان تردين واحد لا ابُالي

الطيب بكلشي الاول يصير
اذا ميخون ينذب عالتوالي

ذكي هو بكلامه بالغ وياج
وانه هم بالغت بس بدلالي..!

ولهسه اكول الطيبه ذله والغدر عاش
واشوفج وارجع لطبعي المثالي

لهسه وكلبي يمج ماله رداد
اجي كامل واردن صدري خالي

واحير الشافني مذلول مهيوب
نازل راسي لكن دمعي عالي

وبعد شيفيدني تصغرين بالعين
صغرتي وكبرت بعيني الليالي

ضعتي وشربت اجدامي الدرابين
واثر خطوه اعله بالج مابقالي

وياي ومو علي ثكلانه الوجوه
ميت يمشي بين الناس حالي

وطبعا ماكو واحد يضحك وياي
انا خليت واحد مابجالي..!


لسه وكلبي يمج ماله رداد
اجي كامل واردن صدري خالي

واحير الشافني مذلول مهيوب
نازل راسي لكن دمعي عالي..!

مـقطـوعـات شعـريـة 2013

الشجره العدله مسكن للطيور تصير
الشجره التنحني يختارهه الحطاب

الطير المايرد العشه وكت غروب
لازم بالدرب متلاكي ويه اغراب

احله من الشمس واكثر حراره البيك
ماتت حر شمسنه النارك اتعرضت

ومن انت طلعت الظهر وبتموز
 صارت (ضربة شمس ) بالشمس وتمرضت

الله واكبر ياوطن اسمحلي اشكي احزاني
صرنه فرجه للدول واحد يعير الثاني
احزاب صرنه وطائفه..
 والقتل عدنه اجمل صفه..
راحت عقول المعرفه..
 وصار الشعب عدواني

ادري بيك اتخون بس فشله شأكول
خاف كالولك غشيم وامنـــــــــــت
جنت اوصلك وارجع امسحهن وراك
خاف شماتي يعرفونك خنــــــــت
وحده وحده وياك حاسبهه بدليل
حافظ التوقيت ويامن جنـــــــت

الله .. الله إشهل حلاه

الشكر ماكان مزروع إعله كَـــاع

أرض خصبه للشكر هاي الشفاه

والكَلب مدري شجـــــاه

قبل كنت أكَدر عليـــــه

ألوي إذانه إيخاف منــــٌي

وهســٌه صرت أمشي وراه
.

يجي يوم واشوفك تبجي مثلي دموع
وعلى فراكي اشوفك حـيـل مــقــهور
 دنيـــا الــبـاع بــيــه يــصـيــر مبــيـوع
عبـــالــك بــيــه دارت بـيــك مـــــدور

آنتي آكبر فآتنة بـ وجه آلقصيد
مخملية ، رآهية ، زين و ترف

آنتي آجمل بنت بـ آلجيل آلجديد
آي شآعر من يشوفج ينحرف””